Шүүхийн ерөнхий зөвлөлийн даргын 2015 оны 123, 124 дүгээр тушаалаар анхан шатны зарим шүүхийн Ерөнхий шүүгчийн сул орон тоонд сонгон шалгаруулалт зарласан.

Ерөнхий шүүгчид нэр дэвшигч нь 2015 оны 09 дүгээр сарын 18-ны өдрөөс эхлэн 09 дүгээр сарын 20-ны өдрийн 17 цаг 00 минут хүртэлх хугацаанд www.shuugch-songon.mn цахим хаягт хандан холбогдох мэдээллийг үнэн зөв, бүрэн гүйцэд оруулж, баримт бичгийг файл хэлбэрээр хавсаргаж, нэр дэвшүүлэхийг хүссэн шүүхийн Ерөнхий шүүгчийн сул орон тоог сонгож баталгаажуулан, бүртгүүлнэ.

Нэр дэвшигчдээс шалгалт авч, үнэлгээ өгөх ажиллагааг Шүүхийн мэргэшлийн хороо 2015 оны 10 дугаар сарын 12-ны өдрөөс эхлэн 10 дугаар сарын 23-ны өдрийг хүртэлх хугацаанд хэрэгжүүлнэ.

Шүүгчийн сонгон шалгаруулалтыг Шүүгчийн эрх зүйн байдлын тухай хууль болон Монгол Улсын Ерөнхийлөгчийн 2015 оны 18 дугаар зарлигаар баталсан "Шүүгчийг сонгон шалгаруулах журам”-ын дагуу зохион байгуулна.

Анхан шатны шүүхийн Ерөнхий шүүгчид нэр дэвшигчид тавигдах хуульд заасан болзол, шаардлага хангасан хуульч www.shuugch-songon.mn хаягт хандан нотариатаар гэрчлүүлсэн дараах баримт бичгийг файл хэлбэрээр хавсаргана. Үүнд:

 

1. Өргөдөл /Өргөдөлд: Шүүхийн ерөнхий зөвлөлийн даргын хэдэн оны хэддүгээр тушаалаар зарласан аль шүүхийн шүүгчийн албан тушаалд нэрээ дэвшүүлэх хүсэлтэй байгаа тухайгаа, бусдад хугацаа хэтэрсэн өр зээлтэй эсэх, мөн шүүгчийн сонгон шалгаруулалтад бүртгэгдсэн тохиолдолд хувь хүний мэдээллийг хэвлэл мэдээллийн хэрэгсэлээр нийтэд мэдээлэхийг зөвшөөрч буй эсэхээ заавал тусгаж, хуудас бүрт огноог бичиж, гарын үсэг зурсан байна. (Өргөдөлийг өөрийн гараар бичнэ. Нөөцөөс нэр дэвшигч хэдэн оны хэдэн сард сонгон шалгаруулалтад оролцож, Шүүхийн мэргэшлийн хорооноос хэдэн онооны үнэлгээ авч байснаа тусгана.)/;

 

3. Төрийн албан хаагчийн анкет /Мэдээллийг үнэн зөв оруулж, худал мэдээлэл оруулсан тохиолдолд хүлээх хариуцлагыг анхаарч өөрийн гараар нягт, нямбай, гаргацтай бөглөнө үү./;

4. Бүрэн дунд боловсролын гэрчилгээ болон Их, дээд сургууль төгссөн диплом /магистр, докторын зэргийн диплом/, тэдгээрийн хуулбарыг нотариатаар гэрчлүүлсэн байх /хаяж үрэгдүүлсэн тохиолдолд тухайн сургуулийг төгссөн талаар холбогдох байгууллагын тодорхойлолтыг хавсаргах/;

7. Нийгмийн даатгалын дэвтэр болон хөдөлмөр эрхэлсэнийг нотлох бусад баримт бичиг, тэдгээрийн хуулбарыг нотариатаар гэрчлүүлсэн байх. /Ажилласан жилийг нийгмийн даатгалын дэвтэрийн "Ажилд орсон, шилжсэн, чөлөөлсөн” гэсэн бичилтийг үндэслэн тооцно/;

8. Оршин суугаа газрын болон ам бүлийн тодорхойлолт /баг, хорооны Засаг дарга болон ТҮЦ машинаас/;

9. Эрүүл мэндийн үзлэгийн маягт /Шүүгчийн албан тушаалд томилогдоход харшлах өвчин, сэтгэцийн эмгэггүйг нотолсон эрүүл мэндийн тодорхойлолт/- Шүүгчээр ажиллаж байгаа нэр дэвшигчид хамаарахгүй болно.

 

Нөөцөөс нэр дэвшигч шалгалтад оролцохгүй тул баримт материалаа Шүүхийн ерөнхий зөвлөлийн бичиг хэрэгт ирүүлнэ үү.

 

Шүүхийн ерөнхий зөвлөлийн даргын 2015 оны 123, 124 дүгээр тушаалаар Ерөнхий шүүгчийн сул орон тоонд сонгон шалгаруулалт зарласан шүүх:

 

 

ШҮҮХИЙН МЭРГЭШЛИЙН ХОРООНЫ АЖЛЫН АЛБА

2015.09.05